27.8. serro pü bod
Marculdi, ils 27 avuost serrainsa già a las 16.30 h pervi dad ün'occurrẹnza da perfecziunamạint.
Occurrenzas
11 settember, 10:00 h
preschentaziun da cudeschs
16 settember, 17.00 h
"Die Bergführerin" - prelecziun
istorgias da non e nona
La prelecziun cun Romana Ganzoni, Wolfram Schneider-Lastin e Gerrit Schneider-Lastin d'eira ün grand success. Nossa sela da lectüra d'eira plaina ed il public inchanto. Zieva las istorgias fich variedas da nons e nonas in Germania (DDR e BRD) ed i'l Partens d'eira auncha temp per dumandas, respostas ed ün bun magöl vin.
Grazcha fich per quista saireda gratageda!
Schaukler
Che saireda stupenda cun Selma Mahlknecht chi ho preschanto sieu nouv roman istoric. Dapü as chatta cò.
Incontro a Poschiavo
Inscunter da las bibliotecaras dal Grischun dal Süd - ün di da bellezza a Poschiavo:
fotografias e dapü suot actuel
Nossa spüerta
L’effectiv cumpiglia circa 23'000 medias per creschieus ed iffaunts in lingua tu-das-cha, retorumauntscha, taliauna, francesa, inglaisa e portugaisa.
In viedi
Arco, il lö da naschentscha da Giovanni Segantini, cun ün bel museum ed ün chastè impreschiunant - que d'eira quist an il böt da nos viedi cul cussagl da fundaziun e las bibliotecaras. Il Lago di Garda in vicinanza ed ün a guida illa bellischma Chiesa di San Lorenzo a Tenno haun cumpletto noss'excursiun vers süd. Grazcha fich per la buna cumpagnia! Dapü fotografias illa gallaria.
BiblioWeekend 2025
Üna sanda divertenta cun cafè, tè e marenda, ün film, istorgias e gös per pitschen e grand - grazcha per la buna cumpagnia!
Fotografias e dapü as chatta cò.
Not d'istorgias 2024
Muonds da sömmis - que d'eira quist'an il motto da la not d'istorgias in Svizra. Cun bgers iffaunts motivos da la 3a vin 5evla classa vainsa tadlo l'istorgia dad Ada Albtraum e Theo Träumsüss. Traunteraint vaivans temp avuonda per giuver, zambrager, giodair üna marenda e quinter dad egens sömmis (bels u main bels). Per finir ho que auncha do muffins ed ün punsch da sömmis davaunt la biblioteca.
Grazcha fich per la buna cumpagnia!
dapü fotografias as chatta in nossa galleria
Guarder films cun filmfriend
Üna nouva spüerta pel 2023:
A chesa, in viedi u düraunt las vacanzas - films per iffaunts e creschieus per mincha gust.
Tuot noss:as cliant:as haun access gratuit al portal «filmfriend» cul login da la biblioteca.
Dapü infurmaziuns as chatta cò.
La biblioteca vain purteda da la Fundaziun «Biblioteca Engiadinaisa».