Trais duonnas scrivan istorgia a Segl
L'ideja d'üna biblioteca publica
Culla faculted ierteda da sieu bap barmör ho Louise Silverberg inizio üna seria d’acziuns charitativas. Il pü important d’eira per ella da regaler qualchosa a la populaziun da l’Engiadin’Ota. Sieu prüm proget, üna dmura per iffaunts da famiglias povras ed orfens, es ieu ad ova causa cha nu d’eira cò il bsögn. Il fat cha duonna Silverberg vaiva ierto da sieu bap numerus cudeschs prezius l’ho alura mneda süll’ideja d’üna biblioteca per indigens e giasts. Seguond quist’ideja ho ella instituieu l’an 1961 la Fundaziun Biblioteca Engiadinaisa. Las confundaturas d’eiran Anita Forrer – chi ho miss a disposiziun generusamaing sieu terrain a Segl Baselgia – e sia veglia cumpagna Marianne Hauer-Marschhausen.
Louise Silverberg
Marianne Hauer-Marschhausen
Anita Forrer
Sils ist der richtige Ort, wo eine Bibliothek entstehen soll, nicht St.Moritz, da macht man tagsüber Sport und abends geht man aus.
Louise Silverberg, fundatura
Scopo da la fundaziun e politica da las surdedas
Our dal documaint da fundaziun
«La fundaziun ho il scopo da s-chaffir e mantegner üna biblioteca generela pü granda in Engiadina chi sto a disposiziun gratuitamaing in speciel a la populaziun engiadinaisa. Quista fundaziun dess güder a promouver e mantegner la lingua rumauntscha.»
Surdedas
La fundaziun Biblioteca Engiadinaisa s’ingascha per il mantegnimaint e la chüra dals idioms rumauntschs puter e vallader e lur varieteds bargunsegner e jauer, scu eir per la promoziun da la cultura indigena e l’instrucziun da la populaziun cun conceder sustegn finanziel a privats ed ad instituziuns. Ultra da que surdo la Biblioteca Engiadinaisa eir imports finanziels ad instituziuns d’ütil public in Engiadina e sias vals laterelas, la Bergiaglia, il Puschlev, la Val Müstair ed a Bravuogn. Impü finanziescha la fundaziun il cumanzamaint da progets perdüraivels, nu’s partecipescha però a cuosts da mantegnimaint e spaisas reguleras.
Daspö il 1987 sun gnidas surdedas contribuziuns per progets multifars ed a diversas instituziuns, traunter oter per publicaziuns, DC’s, films, teaters e prelecziuns, concerts, exposiziuns, scoulas da musica ed ad instituziuns da scolaziun.Il j
Termins da las tschantedas
Il cussagl da fundaziun as raduna trais voutas l’an. Ch’Els/Ellas fatschan il bain d’inoltrer Lur dumandas da sustegn mincha vouta fin la mited da favrer, la fin da meg e la mited da settember per cha possan gnir discusas infra temp ütil.
Inviamaint per üna dumanda da sustegn
Cò as po charger giò l’inviamaint per üna dumanda da sustegn scu PDF.
Sustegn da bibliotecas populeras in Engiadina ed illas vals dal süd
Tenor il scopo da la fundaziun ho il cussagl da fundaziun da la Biblioteca Engiadinaisa decis dad invier üna spüerta extraordinaria per promouver las bibliotecas publicas in Engiadina, Val Müstair, Bergiaglia e Puschlev e per augmanter lur attractivited ed adöver.
​
L’inviamaint per üna dumanda as chatta cò:
Cussagl da fundaziun
Dal cussagl da fundaziun faun part:
Dr. iur. Nuot Saratz, president, daspö 1997
Romedi Arquint, daspö 1998
Franco Gilly, daspö 2007
Dr. Mirella Carbone, daspö 2015
Seraina Felix, daspö 2024
Rapport annuel
​Cò vezzan Ellas/Els il rapport annuel actuel: