top of page
_RCS5107.jpg

Actuel

Nos an da biblioteca spordscha qualchosa per mincha gust: da prümavaira il BiblioWeekend per pitschen e grand, da sted e d'inviern prelecziuns cun auturas ed auturs engiadinais u davart temas regiunels, d'utuon nossa preschantaziun da cudeschs cullas bibliotecaras e la not d'istorgias per scolaras e scolars. Que do bger da scuvrir! 

Sanda avierta cun gös

Adonta da l'ora splendurainta vaivans ün pêr giasts al BiblioWeekend 2026. Tschertüns legiavan las giazettas actuelas, otras giodaivan il barat cun cafè e tuorta e zievamezdi ans spettaiva ün'istorgia da vita captivanta. Franziska Barta ho prelet our da sia biografia "Eine Berlinerin im Engadin". Ella ho quinto da si'infanzia a Berlin da l'Ost, da sia fügia vers il Vest e sia via scu doctoressa fin in Engiadina.

Raquints da muntagna

Sü e giò per la muntagna cun texts da Tim Krohn. L'autur da la Val Müstair ho prelet our da sieus nouvs cudeschs, ma eir quinto our da sia vita scu autur e bap da famiglia. El ho spiego, perche ch'el nu scriva pü üngüns crimis e scu cha que vo inavaunt cun sia veglia chesa a Santa Maria. La saireda inspiranta es ida a fin cun ün apéro e la vendita da cudeschs segnos.

80 ans Uorsin

Tar nus in biblioteca do que actuelmaing  üna pitschna exposiziun da purtrets da l'Uorsin. Christof Müller ho fat a maun tuot ils purtrets dal cudesch renumno culla resgia a fil. Quatter da quistas ouvras d'art as po auncha admirer tar nus düraunt la stagiun d'inviern.

Preschantaziun da cudeschs

Scu füss que cun üna vita alternativa (Im Leben nebenan), ün viedi da famiglia in Giapun (Onigiri), ün cuors per bierers in Tschekia (Das kleine Zuhause in Prag) u ün'invista ils precipizis d'ün quartier d'abiter fich normel in Svizra (Schattengänger)? Nus vains eir preschanto ün cudesch cun fotografias da Vrin, ün cudesch per iffaunts e divers films. 

Noss nouvs tipps da lectüra:

Not d'istorgias 2025

Ün viedi tres il temp cun istorgias, aventüras, ün quiz intuorn la biblioteca, marenda e buna cumpagnia. 20 scolaras da Silvaplauna e Segl d'eiran da la partida.

Grazcha fich per vossa visita!

bottom of page