Spüerta
Cudeschs
belletristica: litteratura classica (19evel e 20evel tschientiner), litteratura contemporauna, litteratura in linguas estras (taliaun, frances, inglais)
litteratura specifica: granda tscherna davart differents temas, ils focus sun filosofia, istorgia, art, biografias
litteratura davart l’Engiadina e’l Grischun dal süd
litteratura per iffaunts e giuvenils: cudeschs da pops, cudeschs per la prüma lectüra, cudeschs per iffaunts e giuvenils
Non-Books
cudeschs auditivs: cudeschs prelets, gös auditivs e poesias sün DC
DCs da musica: granda spüerta da musica classica, jazz e musica populera
DVDs: films per creschieus, iffaunts e giuvenils
figüras Tonie®: gös auditivs per iffaunts
e-book reader: 3 Tolino Vision cun üna granda schelta dad e-books
chartas: cartas geograficas e cartas da gitas da l'Engiadina e da la regiun
giazettas e revistas: NZZ, giazettas regiunelas, diversas revistas
Spüertas digitelas
Onleihe:
access gratuit a la spüerta online da Dibiost, ca. 23'000 medias electronicas (e-books, e-papers, e-audio, e-music, e-videos)
access gratuit a medias electronicas in taliaun tar medialibraryonline
Filmfriend: guarder films online cun filmfriend.ch
Tuot las spüertas digitelas sun gratuitas cun Sia login da la biblioteca.
In cas da dumandas, stains gugent a disposiziun.
Infurmaziun Dibiost:
Catalog online
Tschercher il cudesch giavüscho u prolunger il termin d’imprast cun ün clic cun la mür.
Ubain cun l'app «Library Mobile» chi d'es gratuit e sto a disposiziun in tudas-ch, taliaun ed inglais:
Installer l'app – i'l champ «Search for the institution» tschercher il «Bibliotheksverbund Graubünden» – s'annunzcher cun Sia login da la biblioteca
Internet
Üna plazza da lavur cun access a l’internet, ün stampeder, ün copcheder/scanner e natürelmaing eir WLAN staun gratuitamaing a Sia disposiziun.
Imprast
La Biblioteca Engiadinaisa es avierta per tuots –
la visita e l'imprast sun gratuits.
Termins d’imprast
cudeschs, DCs, cartas geograficas: 4 eivnas
DVDs: 2 eivnas
Il termin d’imprast po gnir prolungieu duos voutas:
per telefon +41 (0)81 826 53 77,
per e-mail info@bibliotecasegl.ch
u directamaing aint il catalog online
Taxa d’admuniziun
1. admuniziun: CHF 2
2. admuniziun: CHF 5
3. admuniziun: CHF 10
Imprast per correspundenza
Cudeschs chi nu sun avaunt maun tar nus, pustains nus gugent in otras bibliotecas da l’Uniun da bibliotecas dal Grischun u da l’intera Svizra. Lö da postaziun e da consegna es la Biblioteca Engiadinaisa.
Cuosts per medium: CHF 10, per student:as CHF 7
Chantunet da cafè
Che mauncha auncha per ün zievamezdi perfet da lectüra? Forsa üna tazza cafè? In nos plaun suotterraun as chatta ün pitschen chantunet da cafè. Capslas da cafè as po cumprer tar nus e l'ova es gratuita.