Üna chesa avierta

Gnir insembel, baratter, discuter, ler, tadler, giodair – que es la Biblioteca Engiadinaisa daspö passa 60 ans. La chesa prüveda culla stupenda vista sül Lej da Segl es resteda listessa, la spüerta da medias ed occurrenzas invezza s’ho augmanteda adüna inavaunt e’ls prossems ans purtaron auncha dapüs müdamaints.

Inua cha la Biblioteca Engiadinaisa vaiva aviert sias portas l’an 1962 i’l stil d’üna chesa dad üna famiglia cun üna sela per ler e bundant 3000 cudeschs as chatta hoz 23'000 medias in differentas linguas per creschieus ed iffaunts sparpagliedas sün trais plauns.

Tuottafat i’l sen da las fundaturas es quista chesa a Segl Baselgia dvanteda ün lö d’inscunter, infurmaziun, divertimaint, furmaziun e cultura per glieud da tuot il muond.

Dal 2022 s’ho festagio il giubileum da 60 ans. Cò ün pêr impreschiuns: